Banka etikoa zer den eta haren balio eta oinarriak zeintzuk diren azaltzea da erakusketaren helburua. Bankuen eta boterearen arteko harremana; bankuek hegoaldeko herrialdeetan zer egiten duten; eta ustelkeriarekin eta gerrekin duten lotura aztertzen dute Ibarraundin jarritako paneletan.
Bestalde, finantza etikoak zer diren azaldu gura dute: "Aurreztu eta inbertitzeko beste modu bat, etekin sozialak eta ekonomikoak batzen dituena", diote antolatzaileek. Diruaren erabilera etikoa bultzen duten aurrezki kontu, inbertsio eta gordailuen berri ere ematen dute ikusgai jarritako panelek.
Berbaldia eguenean
Eguenean (19:00), ostera, berbaldia eskainiko dute Ibarraundin bertan: Zer da banku etikoa? Setem Hego Haizea elkarteko Haritz Azkue (euskaraz) eta Fiare elkarteko Alberto Minguez (gazteleraz) izango dira horren berri emango dutenak.