Norgehiagokak aste bukaeratan jokatuko dira pilotalekuan. Txapelketa abenduaren 6an hasiko da eta hiru astez luzatuko da. Finala abenduaren 21ean jokatuko da. Antolatzaileek azaldu dutenez, partiduak parte hartzaile kopuruaren arabera izango dira.
Barikura arte, hamasei lagun
Interesa dutenek Esko-sport dendara eta Aldatz tabernara jo behar dute, izena emateko. Egubakoitzera arte, bietan zortzina lagunek emanda zuten izena. Esan bezala, bost euro balio du txapelketan parte hartzeak.
Txapelketa guztietan bezala, sariak egongo dira. Hala, irabazleak kopa, ardo botila eta Azkoaga hotelean afaria irabaziko ditu; bigarrenak, kopa, bi txuleta eta txakolina; hirugarrenak, kopa eta bi txuleta; eta laugarrenak, ardo botila jasoko du. Antolatzaileek jakinarazi dute, horren harira, parte hartzaile guztiendako opariak egongo direla.