Ekainean hartu zuen patronatuak Eskoriatzako zaharren egoitzaren kudeatzailea bere kargutik kentzeko erabakia, eta horretarako, harek egindako falta larriak egotzi zituzten. Pedro Lasagabaster Eskoriatzako alkateak azaldu digunez, diru kontuekin izandako gorabaeherak dira falta larri horiek.
Udalbatzaren babesa
Legez horretara behartuta egon ez arren, Patronatuko kideek neurria berretsi gura izan dute plenoan, eta Udalbatzak babesa eman dio Patronatuaren erabakiari.
Bildutako bederatzi ziengotzietatik zazpik bozkatu zuten kargugabetzeko erabakiaren alde; Hamaikabateko eta EAJko zinegotzien botoak izan ziren kontrakoak. Lasagabasterrek esan digu Patronatua lasai eta pozik dagoela emaitzarekin. Alkateak berak baina, ez du ulertzen Hamaikabat eta EAJren jarrera.
Kalte-ordaina
Kargugabetuko dutenak kalte-ordaina eskatu du orain kaleratzea bidegabekoa dela argudiatuz. Patronatuak dio, berriz, bidezkoa dela bera kargutik kentzea eta behar izanez gero, epaile batek erabakiko duela hori.
Hamaikabateko eta EAJko zinegotziekin harremanetan jarrita ez dute adierazpenik egin nahi izan.