Errepideko bazter bakoitzean geltoki bana jarriko dute. Horren harira, errepidearen beste aldera pasatzeko pasabidea dagoeneko egina dago eta hortaz, ingurunea baino ez dute egokitu beharko.
Geldialdi bakarra
Geltoki berri horrekin gaur egun Gasteizera doazen eta Arabako hiriburutik datozen autobusetatik, erdiak zuzenean autobidetik joango dira. Hori izango da autobus zuzenak Eskoriatzan egingo duen geldialdi bakarra. Hortaz, zerbitzu hori erabili gura duten herritarrak sarreran egongo den geltoki horretara joan beharko dira.
Autobidetik joan ala ez, bidaiak prezio bera izango du; hau da, Txartel Bakarra dutenek 2,04 euro ordaindu beharko dituzte; eta gainontzeko bidaiariek, 3,40 euro.
Aldatuko dena, bidaiaren iraupena izango da: ohiko geltokian hartzen den autobusak 45 minutu behar ditu Gasteizera heltzeko eta autobidetik doanak, berriz, ordu erdi.
Herritarren iritzia
Autobus geltoki berri horren gainean, herritarrek duten iritzia jakin eta esandako zerbitzua hobetzeko, Udalak 15 eguneko epea zabaldu du nahi izan ezkero, herritarrek iradokizunak egin ditzaten. Esaterako, goiko kalekoek autobideko zerbitzua hartu ahal izateko autobus-aldaketa doan egiteko aukera izatea izan daiteke iradokizunen bat. Iradokizun horiek idatziz aurkeztu ahalko dira udaletxean, kultur etxean, udal liburutegian edo Ibarraundi museoan.
Geltoki berriarekin, guztira, lau egongo dira laster herrian: Intxaurtxuetakoa, erdikoa eta Aranburuzabala kalekoa, hain zuzen ere.
Ordutegi proposamenak
- Eskoriatza-Gasteiz lanegunetan (pdf, 36.0 kB)
- Eskoriatza-Gasteiz jaiegunetan (pdf, 36.0 kB)
- Gasteiz-Eskoriatza lanegunetan (pdf, 35.7 kB)
- Gasteiz-Eskoriatza jaiegunetan (pdf, 35.7 kB)