Azken horren harira, horrelako ekimen bat egunean zehar egitera ohituta gaude. Bada, egubakoitzean, Eskoriatzan egingo dena gauez izango da. Iluntasuna aprobetxatuz, herriko irudi ederrak ateratzen saiatuko dira ekimen horretan parte hartzen dutenek. Bi hitzordu egin dituzte horren harira; lehena, 20:30ean, argazkiak egiten hasi aurretik, mokadutxoa jateko; eta 22:00etan bigarrena, zuzenean irudiak ateratzen joateko. Plazan elkartzeko deia egin du bietan.
Fokatze-puntua izena
Bestalde, Gabilondok jakinarazi du argazki taldeak izena aldatu behar izan duela. Hasieran, Axtroki izena jarri zioten taldeari. Izen hori, baina, beste talde batek erregistratuta du eta hortaz, Fokatze-puntuagatik ordezkatu dute aurrekoa.
Ekainean sortu zenetik, zenbait ekimen gertatu ditu argazki taldeak. Arizmendi ikastolak antolatutako Ferixiaren harira, esaterako, Eskoriatzako I. Argazki Rallya egin zuen ekainaren 6an. Ondoren, lehiaketara aurkeztutako lanekin erakusketa jarri zuten herriko bost tabernatan.