Aste bukaeran 22 lagun joango dira Luz Ardidenera eskiatzera

Aurrera doa aste bukaera honetako eski irteera. Azkenean, 22 lagun abiatuko dira zapatu goizaldean Luz Ardiden estaziorantz. Baina, autobusean joan beharrean, bederatzi lagunendako alokatutako furgonetan eta autoetan egingo dute bidaia.

Eskoriatzako kirol elkarteko mendi sailetik azaldu digutenez, gainontzeko aurreikuspen guztiak mantendu egiten dira. Zapatuan 05:00etan irtengo dira herritik eta domeka gauean itzuliko dira, 21:00 aldean.


Soulom herrian hartuko dute ostatu. Antolatzaileek gogorarazi dute bakoitzaren esku geratuko dela zapatuko gosaria eta bazkaria eta domekako bazkaria, eta materiala behar izanez gero, han alokatzeko aukera egongo dela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.