Eskoriatzan Gaztañadui kalean eta Luis Ezeiza eskolaren ondoan, LED teknologiako argiztapena ipini dute. Argiztapen berriarekin aurreikusten da, CO2 emisioak 10 tona gutxituko dituztela, eta urtean 3.000 euro aurreztuko dituztela. Inbertsioa 40.805 eurokoa izan da eta Estatu Fondoaren laguntza izan dute argiztapen berria jartzeko.
2010. urtearen
erdialdean, egindako ikerketaren emaitzak zera zioen: Gaztañadui kalea eta Luis
Ezeiza eskolaren inguruan zegoen argiztapenak hobekuntza behar zuela. Alde
batetik, argi gutxi zegoelako, eta beste aldetik, energia kontsumoa oso altua
zelako.
LED teknologiako
argiztapenak argi zuri-zuria ematen du. Beraz, inguru horretatik pasatzen
direnek, lehen bistara igarriko duten aldaketa nagusia argien kolorea izango
da.
Argiztapena
aldatzeko, inbertsio handia egin behar izan dute, baina, gutxi gorabehera
energia %70 aurreztea espero dute.
Argi horiek jarritako tokietan ondo funtzionatzen badute,
helburua da, argiztapen berria zatika herriko beste gune batzuetara zabaltzea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak