Argitaratutako iragarki hori Eskoriatzako udaletxeko iragarki-oholean jarrita dago jendaurrean urtarrilaren 12az geroztik, obra horiek kalteak eragiten dizkietela uste dutenek erreklamazioak aurkez ditzaten epe barruan.
Lanak
Lan horiek Azkorartzatieta ubidearen desbideraketa, estaldura eta ezker ertzean betelana eta ubidearen gainean biaduktuaren eraiketa aurreikusten dute. Horiek egin ahal izateko baimena eskatu dute. Hona hemen zehazki egin beharrekoa: Azkorartzatieta errekaren desbideraketa 460 metro inguruko zati batean haren ezker ertzean betelanak egiteko, trenaren azpitik 42 metro luzeran errekaren estaldura, 15 metroko beste estaldura sarbidearen azpitik eta, azkenik, gainetik biaduktuaren eraikuntza.
Espedientea gura duenak, gainera, ikusgai du Eskoriatzako udaletxean edo Uraren Euskal Agentzia-Ekialdeko Kantauriar Arroen bulegoan. Azken hori Donostian dago, Infanta Cristina hiribideko 11. zenbakian.