Berbaldi guztiak debalde dira baina izena aurrez eman behar dute interesatuek Udal Gizarte Zerbitzuetan (943 71 31 36). Gaurtik ekainaren 2ra bitartean egongo da zabalik izenemate epea –astelehenetik egubakoitzera, 09:00-13:30–.
Zaintza zelan hobetu
Gai guztiz ezberdinak landuko dituzte adinekoen senideendako antolatutako berbaldietan, ezintasunak dituztenen zaintzan alderdi askok eragiten dutela jakinik. Hala, Hurkoa fundazioko kideek lege eta etika kontuen gainean jardungo dute: ezintasunak dituztenen tutoretza; alderdi fiskalak; lanean eragina…
Laguntza teknikoak eskaintzen dituzten Icavi Bikain taldekoek, ostera, ezinduek behar dituzten zaintzen gainean jardungo dute: elikadura eta garbitasuna; lehen sorospenak; etxebizitzan egin beharreko aldaketak eta segurtasun neurriak…
Eskoriatzako osasun etxeko erizaina den Lourdes Etxebarriak menpeko adinekoen arazoen berri emango diete eta udal gizarte langile den Agurtzane Altubek menpeko horiei laguntzeko dauden baliabideak eta laguntzak gogoraraziko ditu.
Azken berbaldia Oskar Mondragon psikologoak eskainiko du eta zaintzaileak norbere burua zaintzearen garrantziaren gainean jardungo du: zaintzailea zaintzea, autoezagutza eta autozaintza. Horretarako ariketak eta teknikak erakutsiko ditu.
Egitaraua
Ekainak 7
Berbaldia: Ikuspegi legal eta etikoak
Hizlaria: HURKOA Fundazioa
Ekainak 8
Berbaldia: Osasun, erizaintza eta laguntza teknikoen ikuspegiak
Hizlaria:: ICAVI BIKAIN, laguntza teknikoak
Ekainak 9
Berbaldia: Menpeko pertsonen arazoak
Hizlaria: Lourdes Etxeberria (Osasun etxeko erizaina)
Ekainak 10
Berbaldia: Menpekoa bere ingurunean zaintzeko baliabide sozialak
Hizlaria: Agurtzane Altube (Udal gizarte langilea)
Ekainak 11
Berbaldia: Komunikazio eta erlaxapen teknikak
Hizlaria: Oskar Mondragon (Psikologoa)