Abuzturako astebete baino ez da falta eta Eskoriatzako Udalak hilabete horretan udal zerbitzuek izango duten ordutegien berri eman du asteon. Abuztuaren 1etik 31ra bitartean udaletxera joan behar duenak jakin behar du goizez egongo dela zabalik, astelehenetik barikura arte; 10:00etatik 13:30era, hain zuzen ere.
Ibarraundi museoa ere bisitariak hartzeko gertu egongo da datozen asteotan. Horrek ere astegunetan izango ditu ateak zabalik, goizez: 09:00etatik 14:00etara. Bestalde, Udaletik jakinarazi dute abuztu osoan itxita egongo direla Udal Liburutegia eta kultura etxea.
Kiroldegia
Kiroldegiari dagokionez, aipatu dute abuztu osoan zabalik egongo direla kanpoko eta barruko igerilekuak honako ordutegietan: barrukoa astelehenetik barikura, 09:00etatik 21:00etara; zapatuan, 10:00etatik 20:00etara; eta domeka eta jaiegunetan, 09:30etik 14:30era.
Kanpokora, berriz, astelehenetik zapatura bitartean, 10:00etatik 20:00etara joan ahalko da; eta domekan eta jaiegunetan, berriz, 10:30etik 14:30era.