Arizmendi ikastolaren Ferixa egingo da zapatuan, eskoriatzarren artean errotu den jaia da honezkero. Haur zein heldu guztiendako egongo da zer egin. Aurten 90 postu inguru jarriko dituzte: 51 artisautza postu, baserriko produktuen 33 postu eta tresneria saltzeko beste postu batzuk.
10:15ean 13. Txorimalo lehiaketa egingo dute eta 11:00etatik aurrera haur eta gaztetxoendako tailerrak, jolasak eta puzgarriak izango dira Santa Marina plazan. 11:30etik 13:00etara gazta dastaketa eta txapelketa izango dira ikastolan, 12:00etan trikitilarien kalejira, eta 12:30ean dantza afrokaribearrak irtengo dira herriko plazatik. 13:00etan herriko dantza taldeak emanaldia egingo du eta 14:00etan postuen sari banaketa egingo dute.
Aurten herri bazkaria berreskuratu dute eta 250 pertsona inguru espero dira: 15:00etan izango da, pilotalekuan. Azkenik, antolatzaileek eskerrak eman gura diete Ferixa aurrera irten dadin lan egin duten guztiei.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
