Seigarren urtez egin zuten Bat ekarri, bi eruen liburu azoka, Eskoriatzako plazan. Azken bi urteotan indar handia hartu du ekimenak eta herritarrek liburu asko ekarri zituzten trukatzeko, tartean Mendiak bilduma osoa eta El Pais egunkariarekin banatutako bilduma bat. Ekarritako liburuen truke txartelak banatu zituzten, 300 guztira, eta egubakoitzean jende asko hurreratu zen azokara libururen baten bila.
Haur eta gazte sailekoak segituan desagertu ziren eta helduek ere topatu zituzten gustukoak, batzuek eleberriak eta beste batzuek brikolaje kontuak. Azokak iraun bitartean collage tailerra egin zuten umeek plazan aditu baten laguntzarekin.