%28,4 da euskararen kale erabilera Eskoriatzan

Eskoriatzan euskararen kale erabileraren azken neurketako datuak aurkeztu dituzte. Ondorio nagusia da, azken urteetan mantendu egin dela erabilera, %30-35 inguruan. Mantendu, igo ez beraz, eta kopuruak oraindik txikiegia izaten jarraitzen du. Horregatik, herritarrengan eragiteko estrategiak lantzen jarraitu beharko dute eragile desberdinek.

Soziolinguistika Klusterrak egin zuen euskararen kale erabileraren neurketa aurreko maiatzean. Neurketan jasotakoaren arabera, % 28,4 da erabilera Eskoriatzan. Hau da, kalean entzundako 100 elkarrizketetan 28 izan ziren euskaraz, eta 72 gazteleraz: gazteetan eta haurretan datua da %40-43; heldu eta adinekoetan %20-22.

Auzoen artean dezenteko aldea dagoela diote datuek, eta baita unibertsitate inguruan gero eta gutxiago, askoz gutxiago erabiltzen dela ere. 2003-2005 biurteko datua %74 zen, oraingoa berriz %49. 25 puntu egin du beraz behera.

Dena den, datu positibo moduan eta nahikoa izan ez arren, euskararen erabileraren zenbatekoa estatistikoki Eskoriatzarentzako espero zitekeenaren gainetik ei dago, 2 puntu, soziolinguistika Klusterraren arabera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.