Ibarraundi Museoko arduradunek hainbat berbaldi antolatu dituzte aste honetarako. Euskal mitologia eta espazioaren gaineko ikerkuntzak kontrajarri egingo dituzte, edo hobe esanda, bietatik ikasteko aukera emango dute.
Eguenean, hilaren 23an, Iruñeako Planetarioko zuzendari Javier Armentiak Todo lo que querías saber sobre el cielo pero temías preguntar berbaldia egingo du. Berbaldia 19:00etan egingo dute.
Euskal mitologia
Bestalde, egubakoitzean, hilaren 24an, Mitologian doktoratutako antropologo Juan Ignazio Artzuagak euskal mitologia izango du berbagai. 19:00etan egingo dute.