Eguenean egin beharreko udaleko osoko bilkura datorren hilabetera atzeratu dute, azaroaren 2ra hain zuzen ere. Atzeratze horren arrazoia da Udal gobernuak gaietako bi hobeto landu gura dituela osoko bilkurara eraman aurretik. Honako hauek dira landu beharreko gaiok: ordenantza fiskalak, hau da, 2007ko udal zergak eta tasak; eta Santa Marinako etxebizitza tasatuak arautzeko ordenantza berria finkatzea.
Bi gai horien gainean hausnarketa handiagoa egin gura dute, eta horregatik azaroaren 2rako utziko dute gai horien gaineko eztabaida.
Etxebizitza tasatuak
Bestelako gaiak ere izango dira berbagai eta eztabaidagai osoko bilkura horretan, baina udal zergen gaineko eta Santa Marinaren gaineko gaiak izango dira garrantzitsuenetarikoak.
Santa Marina ingurunean egingo diren etxebizitza guztietatik ia 30 tasatuak izango dira. Hau da, etxe horiek Udalak berak bultzatuko ditu, eta merkatu librekoek baino prezio merkeagoa izango dute.
Udala aztertzen dabil etxebizitza horien gaineko araudiaren zehaztasunak. Etxebizitzak zer erregimenetan eskainiko dituzten, zozketa egiterakoan zer baldintza finkatuko dituzten eta abar. Osoko bilkura ostean jakitera emango dituzte zehaztasun guztiak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak