Bi talderi egokitutako ikastaroak antolatu dituzte: bata, euskararik ez dakitenendako. Urritik Aste Santura bitartean egingo dute. Ordu eta erdiko saioak izango dira, astean bitan.
Eskatutako iraupena, luzeagoa
Iaz 20 orduko ikastaroa egin zuten, baina gurasoek ordu gehiago eskatu zituzten. Horregatik, aurten luzeagoa egingo dute. Umeen jolasak, abestiak eta ipuinak, agurrak, zenbakiak, urtaroak, astegunak, telebistako umeen saioen oinarrizko hiztegia eta pertsonaiak ikasiko dituzte.
Izena eman, eskoletan
Euskara dakitenek, berriz, azarotik abendura bitartean egingo dute. Horien ikastaroa oinarrituko da ohiko akatsak zuzentzen, ahozko jarduna hobetzen eta eskolako hiztegia gainbegiratzen. Bi ikastaro horietan seme-alabek eskolan erabiltzen duten materiala baliatuko dute.
Ikastaro laburra egiteko, 18 euro ordaindu beharko dituzte; eta luzea egiteko, berriz, 60 euro. Interesatuta dauden gurasoek seme-alaben tutoreari eraman beharko diote eskaera urriaren 18a baino lehen.