Ekainaren bukaeran, Udaleko ordezkariak Eusko Ikaskuntzako arduradunekin elkartu ziren proiektuaren berri emateko. Begi onez ikusi eta Eusko Ikaskuntzako arduradunek proiekturako baliabideak eta babesa eskaini zituzten. Are gehiago, bertako antropologoa Beatriz Akizu da proiektuaren koordinatzailea.
Fundazio hau Udaletik independentea izango da. Udalak izango du ordezkariren bat, baina baita herriko beste hainbat eragilek ere. Bestalde, nahi duten herritarrek aukera izango dute fundazioaren lagunak izateko. Hauek, borondatezko laguntza eman ahal izango diote proiektuari.
Turismoa erakarri
Fundazioaren bultzatzaileek adierazi dutenez, bide batez turismoa erakarriko dute udalerrira. Horretarako, kultura ekintzak, ondarea eta udalerriak dituen inguru naturalak baliatuko dituzte.