Frixi Eraikuntzak ari da zeregin hauetan lanean, eta ekimena erretiratuei eta 55 urtetik gorako aurre erretiratuei zuzenduta dago. Ekimenak 30.000 euriko aurrekontua izango du. Hala ere, izen-emaileek ez dute ezer ordaindu behar ortuak erabiltzeagatik.
Udalaren asmoa da uda ostean Eskoriatzako etxe guztietako atarietan ortuen berri emateko horma-irudiak jartzea, dagoeneko izena emateko aukera ere badagoelarik.
Ortua erabiltzeko baldintzak honako hauek izango dira:
- Erretiratuta egotea edo 55 urtetik gorako aurre erretiratua izatea
- Eskoriatzan erroldatuta egotea
- Ortu propiorik ez izatea
Hala ere, proiektuaren bultzatzaileak aztertzen dabiltza beste talde batzuei ere ortuak erabiltzeko aukera ematea.
Ortuen helburu nagusiak hauek dira:
- Erretiratuei aisialdirako aukerak ematea
- Nekazaritza tradizionalaren ohiturak berreskuratzea
- Elikadura naturala bultzatzea
- Legez kanpoko ortuak kentzea