Tirabirak
Aspaldian, Santa Ana auzoan dagoen mojen zinemaren eraikinak zeresan handia eman du. Orain dela bospasei urte udalak gazte batzarrari utzi zion eraikin hori gaztetxe moduan erabil zezan. Garbitasun eta zarataren gaineko akordio batzuk egin zituzten, eta han ekimenak antolatzen hasi ziren. Iaz gazte berri asko sartu ziren gaztetxera eta gazte batzarraren eta berrien artean tirabira handiak izan ziren. Ondorioz, ordura arteko gazte batzarrak alde egin zuen.
Egoera okertu egin dela diote bizilagunek
Santa Anako bizilagunak aspalditik daude kezkatuta eraikinaren egoerarekin, oso zaharra delako eta egoera txarrean dagoelako, eta diote gazte batzarrak alde egin zuenean egoerak txarrera egin zuela. Horregatik, udalera jo izan dute hainbat alditan. Udalak, bere aldetik, eraikinaren bi azterketa egin eta gero, debekatu egin die kontzertuak egitea egun eraikinean dauden gazteei, eta, egunero, elektrizitatea eteten die gauerdian.
Geltoki zaharraren erabileran ezadostasunak
Kokaleku berria egokitzat hartu dute gazteek, asmo asko dituzten arren, egungo eraikinean gauzatu ezin dituztela badakitelako, baina geltoki zaharra egokitu bitartean kalean geratzeko aukerak arduratu egiten ditu. Joan den urtera arte gaztetxea kudeatzen zuen gazte batzarrak, bere aldetik, uste du hobe dela eraikin berriari gaztetxe moduan erabili beharrean herriko hainbat elkarte eta taldek erabiliko luketen topagune bilakatzea.
Urrirako gaztetxe berria
Udalaren asmoa da udal brigada industrialdera eramatea, eta geltokian oinarrizko lan batzuk egin ostean, urrian gazteei hango giltzak ematea.