Auzo Batza elkarteak A-1 autobideak kaltetutakoen elkarteak martxoaren 28an bidalitako prentsa oharrarekin bat egin du. Honela adierazi dute:
- "Prozesuari jarraipena egiten diogu eta behin eta berriz adierazi dugu elkarlanerako borondatea, baina zenbait unetan aldeko erantzunak jaso arren, baztarkeria eta boterearen indarkeria dira nagusi."
- "Ez dugu egindako eskaeren erantzunik jasotzen eta horren ordez herritarron kontrako jarrera publikoak jasotzen ditugu."
- "Auzo Batzako ordezkariok, Agenda 21 oraindik formalki ezarri gabe egon arren bi urte daramatzagu programak proposatzen duen filosofiarekin lanean eta ondorioa honakoa da: denak funtzionatzen duela iritzi kontrajarririk ez den bitartean eta eztabaida sortzen denean boteredunak bere irizpideak inposatzen dituela."