Azken urteetako esperientzia aberasgarria izan dela-eta, aurten ere ez diote hutsik egin Truke Programari. Zazpigarren edizio honek ere, Komunitate Garapenerako esperientzien hartu-emana izango du oinarri.
Programaren helburuak
Truke Programak, oro har, lankidetzan oinarrituriko hartu-emanak bultzatzen ditu. Bi aldeek dute zer ikasi esperientzia honi esker. Kooperatiba arizmendiarren esperientzia eta mugimendu kooperatiboaren ezagutza jasotzen dute partaideek. Horiek bide batez, euren garapen komunitarioaren gaineko bizipenak transmititzen dituzte.
Horretarako, hainbat jardunaldi izango dituzte ondorengo egunetan. Mundukide fundazioaz gain, LANKI lankidetzaren ikertegiak eta Mondragon Unibertsitateak ere hartzen dute parte truke programan. Azken kasu horretan, HUHEZIko ikasleek izango dute aukera esperientziak elkartrukatzeko.