Norendako eta zer
Batez ere gurasoak eta baita Batxilergoa bukatu duten ikasleak etortzen dira jardunaldi hauetara. Hauei lehendabizi Mondragon Unibertsitatea azalduko zaie: zer den, historia, zer fakultate dituen, zer zerbitzu eskaintzen dituen, etab.
Ondoren Humanitate eta Hezkuntza Zientzien Fakultatea (HUHEZI) aurkeztuko zaie: noiz sortu zen, hezkuntza sistema, tutoretzak, Mendeberri proiektua, praktikak eta Karrera Amaierako Proiektuak, eta ekintza osagarriak.
Karreren azalpena
Hirugarrenik, karrera bakoitzeko zuzendariak bere karrera zertan den azalduko du: Juanjo Otañok, Ikus-entzunezko Komunikazioa eta Giza Zientziak. Matilde Sainzek, Irakasle Ikasketak eta Psikopedagogia.
Galde-erantzunak amaituta, bisitariek fakultatearen instalazioak ikusiko dituzte: ikasgelak, liburutegia, teknologia berrien departamentua, infogelak, autoikasketa gelak, etab.