Lur azpiko edukiontzi gehiago

Udalak ohiko edukiontziak lur azpikoekin ordezkatu gura ditu. Santa Anan jarrita daude, eta San Juan eta Arana kaleen artean laster jarriko dituzte. Horren ostean Dorleta eta Aranburuzabalaren txanda izango da.

Eskoriatza izan zen lur azpiko edukiontziak jarri zituen ibarreko lehenengo udalerria. Orain dela hiru bat urte jarri zituzten hainbat Dorleta auzoan. Gerora, Debagoieneko Mankomunitateak horren aldeko apustua egin du.

Santa Ana auzoko eraberritze lanak bukatu orduko erabilgarri egongo dira han jarri dituzten lau edukiontziak.

San Juan eta Arana kaleen artean beste lau jarri gura dituzte laster. Horrez gain, Izartu programaren baitan hitzartuta daukate HUHEZItik gertu eta Aranburuzabalan beste hainbat jartzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.