Aurtengoa da bigarren aldia Eskoriatzako merkatariek Gabonetan kanpaina berezia abiarazten dutena. Gabon aurreko egunetatik Errege ostera arte bezeroen artean hainbat txartel banatu zituzten. Horren ostean, zozketa egin dute eta irabazleari sari txukuna eman diote: hiru egunetan Eskoriatzako saltokietan gastatu beharreko 1.500 euro, eta bi lagunendako afaria.
Martinezek GOITBri esan zion oso pozik zegoela eta errez izango zuela diru kopuru hori hiru egunetan gastatzea. "Batez ere familiarendako arropa erosiko dut, eta gero beste gauzatxo batzuk". Horrez gain, gura duen lagunarekin afari goxo bat egiteko aukera ere izango du.
Bigarren aldia da herriko merkatariek Gabonetan halako kanpaina abiarazten dutena. Aurten, gainera, 500 euro gehiago batu dizkiote sariari. Datorren urtean kanpainari berrikuntzak egin gura dizkiote.