Urtero moduan, Pirritx eta Porrotx pailazoek Eskoriatzan estreinatuko dute euren ikuskizuna. Zapatuan, hilaren 25ean, egingo dute kiroldegian, eta Axtroki euskara elkarteak antolatu du.
Dagoeneko zortzigarren aldia da Pirritx eta Porrotx pailazoek Eskoriatzan ikuskizuna egiten dutena. Are gehiago, azkeneko bost urteotan estreinaldiak egin dituzte.
Zapatuan Maite zaitut ikuskizuna eskainiko dute, 17:00etan. Sarrera mugatuak izango dira, eta 5 eurotan erosi ahal izango dira.
Pailazoek gura izan dute ijitoenganako ume batzuek dituzten aurreiritziak ezabatzea. Horregatik, Romi eta Anakleto ijitoen istorioa asmatu dute.
