Aspaldi hasi ziren Torrebaso inguruan Mendigoia hotela eraikitzen, eta dagoeneko gauza gutxi falta dira lan guztia bukatzeko. Arduradunek ziurtatu digute urtea bukatu aurretik inauguratuko dutela.
Hotelak 85 logela izango ditu, eta horietako bi suiteak izango dira. Horrez gain, 300 lagunendako jangela-aretoa izango du, enpresek erabil dezaten edo ospakizun bereziak egin ahal izateko.
Ibarrean curriculumak batu dituzte, eta hotelaren arduradunek esan digutenez pertsonalaren %95 Debagoienekoa izango dira.
Bestalde, Azkoaga etxean bizi den familiak hotela jarri gura du. 15 bat gela izango ditu, eta eraikinaren estruktura, fatxada eta behatokiak mantenduko dituzte. Dagoeneko proiektua idatzita daukate.