Apotzagan autobidearen lanak hasi zirenetik bidean kamioi ugari izaten dituzte eta orduak egon behar izaten dira itxaroten. Are gehiago, auzotarren esanetan, autobidearen bultzatzaileek beste bide bat egingo zutela agindu zieten, baina "ez dute hitza bete".
Horren guztiaren protesta egiteko, autobideak kaltetutako 50 bat lagunek Apotzagarako bidea moztu zuten 07:30etik 12:00ak arte.
Autobidea egiten dabilen enpresak, Bidegik, Udalak eta auzotarrek oraindik ez dute konponbiderik aurkitu. Auzotarrek esan dute konponbide ezean, beste protestaren bat egingo dutela.