Museorako izen eta logotipo lehiaketaren sari banaketa egin dute

Gorka Zubizarreta arrasatearrak irabazi du lehiaketa eta Juan Luis Merino Kultura Ondare eta Turismo zinegotziak eman dio 300 euroko saria.

Goizean Ibarraundi jauregian banatu dute jauregian bertan egokituko duten museorako izen eta logotipo lehiaketaren saria. Gorka Zubizarreta arrasatearraren lana aukeratu zuen epaimahaiak aurreko astean eta gaur 300 euroko saria eman dio Juan Luis Merino Kultura Ondare eta Turismo zinegotziak.

Guztira zazpi lagunek hartu dute parte lehiaketan. Arrasatearraren lanak Axtrokiko ontzi bat erakusten du eta Ibarraundi museoa izena aukeratu zuen museo berrirako. Hala ere, epaimahaiak museo hitza beharrean, museum erabiliko duela erabaki du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.