Munduko pertsona aberatsenen zerrenda ateratzeagatik ezaguna den Forbes aldizkariak, Latinoamerikako pertsona aberatsenen zerrenda egin du, eta zerrenda horretan Arantza Aranburuzabala dago, Mexikora joandako Felix Aranburuzabala eskoriatzarraren biloba. Corona garagardo ezagunak egiten dituen enpresan akzioak ditu, 40 urteko emakumeak. Bera da Latinoamerikako emakume aberatsena.
Dirutza aitonari zor dio hein handi batean. Felix Aranburuzabala Lazkano-Iturburuk (Eskoriatza, 1866-Mexiko 1972) egin zuen dirutza. Braulio Iriarte nafarrak sortutako Modelo garagardo enpresako akzioduna zen Aranburuzabala. Gaur egun, bilobak administrazio kontseiluan parte hartzen du, baina Televisa, gaztelaniazko komunikazio talde garrantzitsuan akzioak ditu eta baita Tresalia enpresan ere.
Munduko ranking-ean 377. aberatsena da Arantza Aranburuzabala.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.