Isabel Guridik, Museo Eskolako kolaboratzaileak, Arrate Landak, Eskoriatzako Museo Eskolako Hezkuntza arduradunak, eta Juan Luis Merino Udaleko Kultura eta Turismo zinegotziak atzo aurkeztu zuten datorren urtean museoak izango duen egoitza berria. Eurekin batera egon zen Nerea Arana museoko langilea.
Hiru solairu izango ditu eta askotariko gelak hartuko ditu egoitza berriak. Esaterako, ibarreko Erdi Aroko historia jasoko duen aretoa eta Aitzorrotz gela, ingurumen eta arkeologiari eskainitakoa.
Ikus-entzunezko gela bat ere izango du Ibarraundik, hainbat bilera, zinema emanaldi eta abar egiteko egokituko dena.