Marixol Iparragirreren, bere semearen eta gainerako atxilotuen egoerari buruzko informazioa emateko, egunero bilkurak egitea adostu zuten eskoriatzarrek. Hala, atzo 19:00etan herriko plazan elkartu ziren 200 pertsona baino gehiago. Ertzaintza agertu zen, eta norbait identifikatu behar zutela esan zuten. Hala, Santi Iparragirre eskoriatzarra hartu eta furgonetara eramatera zihoazela, izandako tirabirengatik zauritu eta konortea galdu zuen. Askatasunaren esanetan, "lehen laguntza ematera hurbildutako erizainei ez zieten lana erraztu ertzainek". Azkenean ertzainek Iparragirre identifikatu eta Arrasatera eraman zuten, Eskualdeko Ospitalera.
Egoera salatzeko, Kontzejupek ahal bezain laster presazko bilkura egitea eskatu dio Eskoriatzako Udalari. Gaur martitzena, izango da bilkura Udaletxean, 18:00etan.