Eskoriatzako Udalak iragarri duenez, aurten ere Udako Euskal Unibertsitateko ikastaroren bat egin gura dutenei dirulaguntzak emango dizkie.
Eskoriatzan erroldatutako herritarrei eta ikasle edo langabeei zuzendutako laguntza; pertsona bakoitzari matrikularen %50 ordainduko zaio. Ikasle edo langabe txartela, matrikularen ordainketa agiria eta ikastaroaren bertaratze egiaztagiria aurkeztu beharko dute interesatuek hilaren 30a baino lehen udaletxean.