"Kantuz sortu naiz eta..."
Erramun Martikorena (Baigorri / BeheNafarroa- 1943), Ipar Euskal Herriko kantu herrikoiaren irudirik esanguratsuena dugu. Kanturako dituen berezko dohainak direla eta, Euskal Herria zein mundu osoarentzat ere, Iparraldeko kantu liriko herrikoiaren erreferentziarik garrantzitsuena bilakatu zen aspaldi: ahots apartekoa baitu, liluragarria, intentsua eta sentsibilitatez betea, naturala bezain xamurra.
"Kantuz sortu naiz eta..." bere azken diskoa, hamabost kantu xarmangarrietan aleturik, interpreteak kantuan eman dituen hogeita hamar urteetan zehar bidaia koloretsu eta sentikorra da.
Diskografia
- Baigorriko artzain laboraria (1978).
- Otsobi (1990).
- Primaderari (1992).
- Olerkarien oihartzun "recopilacion" (1993).
- Herrian ( 1997).
- Elorrietan Loreak (1999).
- Kantuz sortu naiz eta (2001).