Markesina berria Aranburuzabala kalean

Eskoriatzatik Arrasatera autobusez joan nahi dutenek modu erosoan itxaroteko aukera izango dute aurrerantzean . Aranburuzabala kaleko autobus geltokian markesina jarriko duela iragarri du Udalak.

Gasteizko noranzkoan markesina dago, ez, ordea, Arrasateko noranzkoan. Hutsune horri aurre egiteko helburuarekin, Aranburuzabala kaleko 27 eta 29 zenbakien artean markesina jarriko dutela iragarri du Udalak. Era berean, Tesa eta Ezkurra enpresen artean espaloia egingo dute. Urtea amaitu aurretik egin nahi dituzte lan horiek guztiak.

16 mila euroko aurrekontua

Markesina eta espaloi berria Aretxabaletako Amaral enpresak egingo ditu. Aurrekontua 16 mila eurokoa izango da, eta Eusko Jaurlaritzaren laguntza izango du Udalak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.