Emakume pilotari profesionalen kluba da Ados, eta iaz antolatu zuen Lau eta Erdiko Txapelketa lehenengo aldiz. Hain zuzen ere, Maddi Barrocal bergararrak jantzi zuen txapela, finalean Leire Oskoz mendean hartuta.
Bigarren edizioari dagokionez, hamabi pilotarik ekin zioten lehiari urri amaieran. Aurrekanporaketak eta ligaxkako hasiera-fasea Beasainen jokatu dira, baina jardunaldi garrantzitsuenak Elgetako pilotalekuan erabakiko dira, azaroaren 28tik aurrera.