Helduendako eta nerabeendako saioa da. "Bizitza-heriotza den bidaia hobeto ulertzeko, guretzat inspiratzaileak izan diren kontakizunak elkarbanatu nahi ditugu", azaldu dute artistek. "Heriotza izango dugu abiapuntua, ez amaiera. Aukeraturiko ipuinen, elezaharren eta istorioen protagonistak kinka larrian daude, eta haien esperientziak kontatuko ditugu hitzaren eta musikaren bitartez".