Hori nahikoa ez eta urteroko puska batzea, jaia eta beldurrezko ipuinen kontaketa saioa egingo dituzte.
Jaia frontoi zaharrean
Gau beltzaren bueltako ekintzak dira eta gogotsu daude neska-mutiko gehienak. Guraso elkartea, Udala eta liburutegia ari dira antolaketan eta puska batzea (17:30), frontoi zaharreko jaia (18:30) eta beldurrezko ipuinen kontaketa saioa (20:30) daude iragarrita.
Puska batzerako adinka deitu dituzte umeak. HH2 eta HH3ko umeak frontoi zaharrean elkartuko dira; HH4 eta HH5koek Emakume erresistenteen plazan; LH1 eta LH2koak udaletxeko arkupean; eta LH3 eta LH4koak elizpeko beheko aldean. Azkenik, LH5ekoak elizpeko goiko aldean egin dute hitzordua.
Puska batzea egingo dute etxez etxe 18:30ak bitartean. Orduan, frontoi zaharrean elkartuko dira eta jaia egingo dute. Beldurrezko ipuinen kontaketa 20:30ean izango da kultur etxean. LH5etik gorakoendako izango da.