Ikasturte honetan ere ludoteka zerbitzua erabili nahi duten familiek zabalik izango dute zerbitzuak. Hala, haurrek jolasteko, sortzeko, ikasteko eta lagun artean egoteko gunea izango dute aurtengoan ere.
Izen-ematea zabalik
Ikasturte berrirako izen-ematea zabalik dago dagoeneko eta galdetegi digital baten bidez egin daiteke zuzenean. Nahiago duenak, udaletxean bertan ere egin dezake izen-ematea.
Edozein zalantza argitzeko edo informazio gehiago jasotzeko, herritarrek udaletxera deitu edo idatz dezakete: 943 76 80 22 edo udala@elgeta.eus.
Prezioak eta hobariak
Udalak kudeatutako zerbitzua da ludoteka eta ikasturte honetan prezioak hauek izango dira:
- Ikasturte osoa: 280 euro.
- Ikasturte erdia: 180 euro.
- Hilabetea: 40 euro.
- Hamar eguneko bonua: 40 euro.
Udaletik gogorarazi dute familien errentaren arabera %90erainoko hobariak eskura daitezkeela.