Skateboarding, roller skate eta surfskate diziplinetan trebatzeko aukera izango da datozen bi asteetan Elgetako Piñu-koku kirol elkarteak antolatutako campusean.
Saioak astelehenean hasiko dira, 17:00etatik 20:00etara. Lehen ordu eta erdia gidatua izango da eta bigarren zatia, librea. Eskolak Piñu-koku skatepark estalian –Salbador 21– zein udal pumptrackean eta skateparkean izango dira.
Irakasle eskarmentudunek gidatuko dituzte saioak eta maila guztietakoak izango dira, 4 urtetik gorakoendako hasita. Prezioa da 15 euro eskolako eta 60 euro asteko. Informazio gehiagorako, deitu 620 32 78 69 telefonora.