Etxeberrin (Nafarroa) dago Lacturaleren Esne Behien Interpretazio Zentroa eta bertan egin zuen eguneko lehen bisita Elgetako erretiratu taldeak. Interpretazio Zentroa zein behitegia ikusi zituzten eta esnekiak zelan egiten dituzten bertatik bertara ikusteko aukera izan zuten.
Gosetutakoan Doneztebera jo zuten oso gustuko duten bertako jatetxe batean bazkaltzeko.
Elgetako erretiratuek Ferixa Nagusiko jaietako barikuan dute hurrengo hitzordu garrantzitsua. Meza (12:00), bermuta udal ordezkariekin (13:45) eta bazkaria dituzte (14:30). 54 lagun elkartuko dira kiroldegian egingo den bazkarian.