Ezarritako alerta gorria dela eta, surik gabeko San Juan bezpera izan zen atzokoa. Egon zen, ordea, nobedade garrantzitsu bat; izan ere, Gazte Asanbladak gaztetxeko barra zabaldu zuen eta herritarrek aukera izan zuten, aspaldiko partez, gaztetxean tragoa hartzeko. Bero handiko eguna izan zen, baina programatutako gainerako ekintzak –guraso elkarteak prestatutakoak– normaltasunez egin ziren.
Eguenean mus txapelketa
Hurrengo ekitaldia iragarri du Gazte Asanbladak. Mus txapelketa izango da eta eguenean, hilak 25, jokatuko da gaztetxean bertan 18:30ean. Izen ematea, bikoteko, 5 euro da.