Gazte Asanbladako kideek jakinarazi dute pintxo-potea eskainiko dutela hilaren 23an, gaztetxean. Herriko gazteak martxoaren 31n egindako Gazte Egunean sartu ziren gaztetxera, eta, ordutik, espazioa garbitzen eta konpontzen aritu dira. Barra dagoen espazioa txukundu dute, eta bertan txistor-pintxoak, garagardoa eta kalimotxoa salduko dituzte.
Gaztetxearen irekierak bat egingo du San Juan bezperako ekintzekin. Maala guraso elkarteak eman du aurtengo ekitaldien berri: DJ Kaktusen emanaldia (18:00), ogitartekoen banaketa (20:30) eta suaren bueltako kantak eta dantza (21:30) iragarri dituzte.