Elgetako talde bat –Elgeta F.T.– Gipuzkoako Herri Txikien Txapelketa jokatzen ari da eta gaur eguerdian jokatu dute bigarren norgehiagoka. Ikaztegietako taldea izan dute aurrez aurre eta 6-3 irabazi dute Elgetako frontoian jokatutako partida.
Martitzenean jokatu zuten lehenengo partida eta orduan galdu egin zuten 12-9 Bidaniko taldearen aurka. Hasiera gazi-gozoa izan zen, baina eman diote buelta elgetarrek. Publikoak ere gogotsu animatu du harmailetatik.
Hurrengo norgehiagoka Leaburuko taldearen kontra izango da. Zehazteko dago noiz eta non.