Goierri aldera proposatzen dute urteko lehen irteera Kantsatzeke mendi taldeko kideek. "Bertatik abiatuko gara Atxurbide mendira (782 m). Herritik bertatik hasten da ibilbidea eta Axari traileko ibilbidea jarraitzen du, osorik ez bada, zati handi batean". Hamabi kilometro pasatxo dira 725 metroko desnibelarekin. "Lehendabizi, Andrelorriaga tontorrera joango gara, gero, behin gaina, hartuta, Atxurbidera (Arantzazumendi), eta handik Atxartiko gainera. Eguraldiak laguntzen badu, bista onak izango ditugu Txindoki-Aralar aldera, Ataungo domora eta baita Aizkorri aldera ere". Ibilbidea hemen ikus daiteke.
Idiazabalera iritsita, autobusa hartu eta Zeraingo Oiharte sagardotegira egingo du taldeak; izan ere, mendi buelta egin ostean sagardotegian bazkalduko dute. Taldea 08:00etan abiatuko da herriko plazatik. Prezioa da 50 euro bazkideendako eta 55 gainerakoendako.
Izen-ematea zabalik
Izen-ematea zabalik da. Gaur, martitzena, da izena emateko azken eguna (sagardotegiagatik). Interesatuek kantsatzeke@gmail.com zein 690 74 00 56 telefono zenbakian (Whatsapp) eman dezakete izena.