25 bat lagun elkartu ziren atzo iluntzean Elgetako Intxorta elkartean San Blas opilak egiteko. Sasoi honetan ohikoak diren opilak egiten ikasteko saioa izan zen eta ez edonolako irakaslearekin gainera; izan ere, 30 bat urtez Galgorri enpresako arduradun izandako Tomas Agotek gidatu zuen Udalak antolatutako tailerra. Denak jarri zituen lanean Agotek eta gomendio berri guztiak ondo apuntatuta joan ziren etxera gehienak.
Labetik irtendako opilek itxura eta usain ederra zuten. Gainean zuringoa jarri ostean, berriz, zer esanik ez! Hurrengo urterako San Blas opila lehiaketa antolatzea baloratzen ari dira Elgetan.