Elgeta Herri Hezitzailea dinamikan diharduten eragileek deituta, herri curriculumaren aurkezpen saioa izango da martitzenean, hilak 27, 18:00etan.
"Herriko haurrek herriaren inguruan ikas dezaten sortutako tresna bat da", azaldu du Hezkuntza batzordeko buru Kepa de Vegak. "Herriko berbak, herriaren historia, toponimia –auzoak, mendiak, errekak, kaleak…–, jolas tradizionalak eta abar biltzen ditu. Herri Hezitzaileko talde motorrak bideratu du materialaren sorrera eskolako klaustroarekin elkarlanean; eta, beraz, eskolan erabiliko da bereziki". Udaletxeko areto nagusian aurkeztuko dute.