Joan den domekan, hilaren 21ean, jokatu ziren emakumezkoen gazteen, promesen, eta lehen mailakoen Lau eta erdiko finalak, Gernikako Santanape pilotalekuan. Gazte kategorian, Irati Benitoren eta Lur Egizabalen artean jokatu zen finala. Markagailuari dagokionez, eguneko partidarik estuena izan zen gazte kategoriakoa, eta, lehia luze baten ondoren, txapelarekin egitea lortu zuen elgetarrak, lehen tantotik azkenera arte haren aurkaria baino erregulartasun handiagoa erakutsiz.
Gazte kategoriako finalaren ondoren, promesen txanda izan zen. Bertan, Alize Sagardui goizuetarrak 18 eta 8 menderatu zuen Marta Gomez Ortuellarra. Eta, 14 urterekin, dagoeneko Binakako Txapelketa Nagusia eta Nafarroako Irekia txapelketak irabazita, eskarmentu handiko pilotaria dela erakutsi du Sagarduik.
Gamide, txapeldun handia
Promesen eta gazteen finalez gain, txapelketa handiko lau eta erdiko final handiaren agertoki izan zen Gernikako Santanape pilotalekua. Enara Gamidek eta Amaia Aldaik jokatu zuten finala, eta, bertan, partiduko lehen tantoa eskuratu zuenetik amaierara arte, markagailuan nagusi izan zen Gamide. 10 eta 22 amaitu zen partidua, eta, kaiolako txapelarekin, denboraldi berean lau eta erdikoa eta binakakoa irabazten duen lehen pilotaria bilakatu baita.