Urriaren 11n abiatu zen txapelketa Aramaion eta hilaren 22an jokatuko da finala Aramaioko Etxaguen auzoko bolatokian. Tartean, txapelketako lau tiraldi jokatu dira eta bosgarrena jokatuko da Elgetan. Zapatuan, hilak 15, jokatuko da Elgetako bolatokian, 17:00etan.
Elgetako bolariak maila onean
Txapelketan diharduen Sebas Arantzabalek azaldu du hamazazpi taldetako 70 bat parte-hartzaile elkartu ohi direla tiraldietan. "Elgetako taldea bigarren doa sailkapenean Aretxabaletako UDAren atzetik".
Bikotekako txapelketan Arantzabal bera eta Asier Azkarate bergararra lehen postuan daude beste hainbat bikoterekin berdinduta. Dena dago jokoan, hortaz.
Tiraldia irekia da. Edonork parte hartu dezake. Txapelketan lehiatzen diren parte-hartzaileen puntuazioak bereizita hartuko dira kontuan