Aurten ere 30 lagunek baino gehiagok eman dute izena euskal dantzen ikastarorako; hain zuzen ere, 36 haur eta gaztetxo dira.
Udalak antolatuta, Eibarko Kezka dantza taldeko bi irakaslek gidatuko dituzte saioak urte honetan ere. Irune Saez izango da horietako bat; hirugarren ikasturtea izango du Elgetan.
Lehen saioa, gaur
Gaur, urriak 3, hasiko da ikasturtea. Entseguak barikuetan izango dira, eta, aurreko ikasturteetan moduan, lau taldetan banatuko dituzte umeak. HH-3- 5 eta LH-1-3 bitartekoen saioak 16:15-17:15 artean izango dira eta LH-4-6 eta DBHtik aurrerakoena, 17:15-18:15 artean. Eskolan eta kiroldegian izango dira entseguak.
Ikastaroan borobilean egiten diren euskal dantzak zein bestelakoak ikasiko dituzte, gaztetxoen adinaren araberako zailtasun mailarekin. Ferixa Nagusiko jaietako Herri Eguneko saioa ere prestatuko dute.