Ohiz kanpoko pankarta bat egon zen zapatuan Sagardo Eguneko azokan. Emon hitza herriari. Jaixak bai zezenak ere bai zioen. Herriko zortzi bat gaztetxoren ekimena izan zen. Sokamuturra nahi dute Ferixa Nagusiko jaietan, eta sinadurak biltzeari ekin diote. Goiz bakarrean 200 bat lortu zituzten.
Sinadurak biltzen jarraituko dutela esan dute. Urriaren 24an eta 25ean ospatzekoak diren Domingo Iturbe kaleko jaietan egingo dute hurrengo ekinaldia. Eskatzen dutena da sokamuturra egotea 2026ko Ferixa Nagusiko jaietan eta asmoa da bildutako sinadura guztiak Jai Batzorde batean aurkeztea. Urteak dira Elgetan ez dela sokamuturrik, eta ez da lehen aldia izango gaia Jai Batzordera heltzen dela.
Gaztetxoen ekimenak izan du oihartzunik Elgetatik kanpo ere. Bergarako Zezenak Instagram kanalean animo hitzak jaso dituzte eta mezuak milatik gora atsegite jaso ditu egun gutxiren buruan.